UTBIS دېگەن سۆز

< ئۇيغۇر تېبابەت ئۇچۇر باشقۇرۇش سىستېمىسى > دىگەن سۆزنىڭ قىسقارتىلمىسى بولۇپ، 2021-يىلى 10-ئاينىڭ 1-كۈنى ئۇيغۇر تېبابەت سىستېما گۇرۇپپىسىدىكى ئەزالارنىڭ كېچە- كۈندۈز جاپالىق ئەجىر سىڭدۈرۈشى ۋە تېۋىپ ئۇستازلارنىڭ قاتتىق تەلەپ قۇيۇشى بىلەن پۈتۈنلەي يېڭىدىن بارلىققا كەلگەن ئۇيغۇرچە تىبابەت ئۇچۇر باشقۇرۇش سىستېمىسى بولۇپ ، قېرىنداشلىرىمىزنىڭ تېخىمۇ تىز سۈرئەتتە بىلىم ئېلىش ۋە ئالغا ئىلگىرىلەش ئارزۇسىنى ئەمەلگە ئاشۇرۇش ، دورىگەرلىك - داۋالاش تېمىسىدا ئىلمى ماقالە يېزىش ۋە بىرلىكتە تەجرىبە - تەتقىقات ئېلىپ بېرىش ، ئۇيغۇر تىبابەت ئۇچۇرلىرىنى (خام دورا، پىششىق دورا، ئىلمى ماقالە، كىتاب- ژۇرنال، ئاۋازلىق ۋە سىنلىق ھەرخىل دەرسلىكلەر ۋە تېبابەتكە ئالاقىدار رەسىم قاتارلىق ئۇچۇرلارنى) تېز سۈرئەتتە ئىزدەشكە ياردەم بېرىش، ئۇيغۇر تېبابىتىگە ئالاقىدار ئۇچۇرلارنى سىستېمائەزالىرى بىلەن ئۆزئارا ئورتاقلىشىشنى ئەمەلگە ئاشۇرىدىغان بىردىنبىر ئۇيغۇرچە تور مەشغۇلات سۇپىسىدۇر .

<ئۇيغۇر تېبابەت ئۇچۇر باشقۇرۇش سىستېمىسى>ئۇيغۇر تېبابىتى-دورىگەرلىكىگە ئائىت قەدىمىي ئەسەرلەرنى تور يۈزىدە ئىزدەش سۇپىسى بولسا، ئۇيغۇر تىبابەت ۋە دورىگەرلىكىگە ۋارىسلىق قىلىش ۋە يېڭىلىق يارىتىشتىكى مۇھىم خىزمەتلەرنىڭ بىرىدۇر. يەنى ھازىرقى زامان ئۇچۇر تېخنىكىسى ئارقىلىق ئۇيغۇر تىبابەت قەدىمىي كلاسسىك ئەسەرلىرىنى رەقەم ۋە سان-سىفىر شەكلىدە، تور ۋە ئوپتىك دىسكا قاتارلىق مەۋھۇم ۋاسىتىلەر ئارقىلىق ساقلاش، تارقىتىش ۋە ئورتاق بەھىرلىنىشنى ئاساسىي مەقسەت قىلغان، شۇ ئارقىلىق ئۇيغۇر تىبابەت قەدىمىي مىراسلىرىمىزنى كېيىنكىلەرگە ئۆز ئەسلى بىلەن ئەينەن يەتكۈزۈش ۋە داۋاملىق قوغداشنى ئاخىرقى مۇددىئا قىلغان، ئۇيغۇر تىبابەت تەرەققىياتىدا بېسىپ ئۆتۈشكە تېگىشلىك بولغان زۆرۈر يوللارنىڭ بىرىدۇر. مەزكۇر سىستېما ئارقىلىق ئۇيغۇر تىبابەت-دورىگەرلىك قەدىمكى ئەسەر مەنبەلىرىنىڭ قىممىتىنى تېخىمۇ يارقىن نامايان قىلغىلى بولىدۇ. بۇ خىزمەت «ئۇيغۇر تىبابەت ۋە دورىگەرلىك قەدىمىي ئەسەرلەر ئورتاق بەھىرىلىنىش سۇپىسى» قۇرۇش ۋە ئۇنى يۈرگۈزۈش ئۈچۈن نەزەرىيىۋى ئاساس ۋە مەشغۇلات مۇمكىنچىلىكى تەمىن ئېتىدۇ ۋە شۇنداقلا ئۇيغۇرجەميىتمىزنىڭ ماتېرىيال-ھۆججەتلەردىن ئورتاق پايدىلىنىش ۋە ھەمبەھىر مۇلازىمەت سۇپىسى قۇرۇش سۈرئىتىنى تىزلىتىشكە ئۆز ھەسسىسىنى قوشىدۇ، شۇنىڭ بىلەن بىرگە بۇندىن كېيىنكى قەدىمىي ئەسەرلەرنى قېزىش، رەتلەش، قايتا ھاسىل قىلىش تەتقىقات خىزمەتلىرىنى ئىلگىرى سۈرۈش ئۈچۈن بەلگىلىك شارائىت بىلەن تەمىن ئېتىش ئىمكانىيىتى تۇغدۇرىدۇ. “ ئۇيغۇر تېبابەت ئۇچۇر باشقۇرۇش سىستېمىسى “ بولسا، UTBIS ھەمكارلىق گورۇپپىسىنىڭ2021  – يىللىق پەن-تېخنىكا ئۇل ئاساسى قۇرۇلۇشى پىلانىغا كىرگۈزۈلۈپ، ئىقتىسادى ياردەمگە ئېرىشكەن بولۇپ، تەتقىقات گۇرۇپپىمىزدىكى قېرىنداشلىرىمىزنىڭ ئۇزۇن يىللىق ئەمگەك ئىجادىيىتىنىڭ مەھسۇلىدۇر. كەسىپداشلارنىڭ ۋە ئۇيغۇر تېبابىتىگە قىززىققۇچىلارنىڭ بىزگە ھەرجەھەتتىن ياردەمدە بولىشىنى ۋە شۇنداقلا سەمىمىي پىكىر- تەلەپ بېرىشىنى ئۈمىد قىلىمىز، شۇ ئارقىلىق مەزكۇر سىستېمىنى كۈندىن-كۈنگە مۇكەممەللەشتۈرۈشكە تىرىشىمىز. قىممەتلىك پىكىر-تەكلىپلىرىڭىزنى ھەرۋاقىت قوبۇل قىلىمىز،

مەزكۈر سىستېما بولسا WEB كومپيوتېر ئاساسىي تېخنىكىسىدىن پايدىلىنىپ ياساپ چىقىلغان چوڭ تىپتىكى ئۇيغۇرتېبابەت سانلىق مەلۇمات ئامبىرى مەشغۇلات سىستېمىسى بولۇپ . ئۇيغۇرتېبابىتىنى زامانىۋىلاشتۇرۇش ئارخىپلاشتۇرۇش ۋە ئاسانلاشتۇرۇش يولىدا تۇنجى بېسىلغان مۇھىم قەدەملىرىنىڭ بىرى بولۇپ ھىسابلىنىدۇ . گۇرۇپپىمىز ئۇيغۇر تېبابەتچىلىكىدە ئۇزۇن يىل خىزمەت قىلغان تەجرىبىلىك ۋە ياراملىق تېبابەت خادىملىرى ۋە بىرقانچە نەپەر پىشقەدەم ئۇستازلارنىڭ بىريەرگە توپلىنىپ تېبابەت ۋارىسلىرىغا ۋە ئۆگەنگۈچىلەرگە ، ۋە شۇنداقلا ئۇيغۇر مەدەنىيتىمىزنىڭ چاقناپ تۇرغان گۇھەرلىرىدىن بىرى بولغان ئۇيغۇر تېبابىتىمىزگە بېغىشلىغان مۇھىم خىزمەت مېۋىلىرىنىڭ بىرى بولۇپ ھېسابلىنىدۇ ،

مەقسىتىمىز: ئۆگىنىشنى قۇلايلاشتۇرۇش، ئۇچۇر ئىزدەشنى تېزلەشتۈرۈش، ئوقۇپ يېزىشنى ئەلالاشتۇرۇش، تېبابەت ساھەسىدىكى كەسىپداشلارنىڭ ئىلىم- مەرىپەت ساھەسىدە بىرلىشىشىنى ئەمەلگە ئاشۇرۇش، تېبابىتىمىزنى ھازىرقى زامان بىلەن ماس قەدەمدە تەڭ تەرەققى قىلدۇرۇش، ئۇيغۇر تېبابەت قامۇسى ۋە دورا ئامبىرىنى ئۇچۇرلاشتۇرۇش، خەلقئارادا ئۇيغۇر تىبابەتچىلىكىمىزنىڭ ئۆز رولىنى تېخىمۇ تۇلۇق جارى قىلدۇرۇشىغا تۈرتكە بولۇش ۋە ياش تىبابەت ۋارىسلىرىنىڭ يېتىشىپ چىقىشىغا تېگىشلىك ھەسسىسىنى قوشۇشتىن ئىبارەت .

ئەسكەرتىش ! سىستېمىغا ئەزالىق ئىلتىماس قىلماقچى بولغانلارنىڭ تۆۋەندىكى مەزمۇنلارنى تولۇق ئوقۇپ چىقىشىنى ئەسكەرتىمىز .

مەزكۇر سىستېما كوللېكتىپ ئاساسىدا مەبلەغ سېلىنىپ بارلىققا كەلگەن بولۇپ، بۇنىڭدىكى قائىدە- تۈزۈم ۋە بەلگىلىمىلەر سىستېمىدىكى ئۇستازلار ۋە بارلىق سىستېما ئەزالىرىنىڭ ئورتاق پىكىرلىرى ئاساسىدا بارلىققا كەلگەن. شۇنىڭ ئۈچۈن يېڭى ئەزالارنىڭ بەلگىلەنگەن قائىدە- تۈزۈملەرگە تولۇق ئەمەل قىلىشىنى سورايمىز .

ئەزالىق تۈرلىرى :

ئۇستازلار ۋە سىناق ئەزالاردىن باشقا نورمال ئەزالار سىستېمىغا ھەق تۆلەپ ئەزا بولىدىغان بولۇپ، رەسمى ئەزا سۈپىتىدە سىستېمىغا كىرىپ

بولغاندىن كېيىن ئەزالىق ھېساباتىنى سېتىشقا، باشقىلارغا ئارىيەتكە بېرىشكە ۋە ئەزالىق ھەققىنى قايتۇرۇۋېلىشقا بولمايدۇ .

تېۋىپ ياكى دوختۇرلار ئۈچۈن — 3500 ₺

ئوقۇغۇچى ئەزالار ئۈچۈن — 2000 ₺

ئەزالىق ئىلتىماسى تەستىقلانغان ئەزالار سىستېمىنىڭ ۋاقىت چەكلىمىسىگە ئۇچرىمايدۇ .

ئوقۇغۇچى سالاھىيتىدىكى ئەزالار سىستېمىغا تۆۋەن باھادا تىزىملىتىدىغان بولۇپ، سىستېما دەرىجىسىنى يۇقىرى كۆتۈرمەكچى بولسا، شۇ ۋاقىتتىكى نورمال ئەزالارنىڭ باھاسى بويىچە كەم قالغان ھەقنى تاپشۇرۇپ ئەزالىق دەرىجىسىنى يۇقىرى كۆتۈرۈشكە ئىلتىماس قىلسا بولىدۇ .

سىستېمىنىڭ ئىچىدىكى ئۇچۇرلارنى قالايمىقان تارقىتىشقا، باشقىلارنىڭ نەشىر ھوقۇقىغا دەخلى تەرۇز قىلىشقا، سىستېما ئەزالىرى بىلەن تالاش-تارتىش ۋە جېدەل ماجىرا چىقىرىشقا قەتئىي بولمايدۇ .

سىستېمىدىكى ئەزالار كوللېكتىپ ئېلىنغان بارلىق قارارلارغا تولۇق بويسۇنىدۇ .

ئەگەر بارلىق قائىدە- تۈزۈملەرگە تولۇق ئەمەل قىلىمەن ، ئۇيغۇر تېبابەتچىلىكىمزنىڭ يېڭىلىقلىرىدىن ۋە دۇنيانىڭ ھەرقايسى جايلىرىدىكى ئۇستازلىرىمىز ياكى ئۇيغۇر تېبابەت سىستېمىسىدىكى باشقا ئەزالارنىڭ داۋالاش تەجرىبىلىرىدىن ئۈلگە ئېلىپ ئۆز كەسپىمنى تېخىمۇ مۈكەممەللەشتۇرەلەيمەن ۋە يېڭىلىيالايمەن ياكى مەنمۇ ئۇيغۇر تېبابەتچىلىكى ئۈچۈن ئۆزنامىمدا بىركىشىلىك ھەسسەمنى قوشۇشنى خالايمەن ، دەپ قارىسىڭىز تۆۋەندىكى جەدۋەلنى توشقۇزۇپ ، ئۇيغۇرتېبابەت سىستېمىسىغا ئەزالىق ئىلتىماسىڭىزنى يوللىسىڭىز بولىدۇ .

ئۇيغۇر تېبابىتىنى بىرلىكتە گۈللەندۈرۈش ۋە تەرەققى قىلدۇرۇشتا بىز بىلەن ئوخشاش پىكىردىكى دوستلارنىڭ ھازىردىن باشلاپ سېپىمىزگە قوشۇلۇشىنى قىزغىن قارشى ئالىمىز .

بىزبىلەن ئالاقە قىلىشتا ياكى سىستېمىغا تىزىملىتىشتا بىرە قىيىنچىلىققا يولۇقسىڭىز بۇ ئۇلانمىنى بېسىڭ !